Наькъий хьалах йола министерство Ӏаьржача хишта духьалара болх дӀахьош я
19.04.2024 09:45
БӀаьстан хиш айденна доладелча, хила тарлуш долча хатара духьалара болх дӀабахьа арабаьннаб республикерча наькъий хьалах йолча министерствон болхлой.
ЦӀаьхха, хила тарлуш долча хатара духьалара кийчо лакхача боараме хила еза. Шолж цӀендеш, цу чура ца эша хӀамаш арайоахаш, баьхкар къахьегамхой. Шолжа кхалерча тӀаьна кӀалхара хиво Ӏокхихьа гаьнаш, йоккхий нувхий гурматаш дӀайоахаш болх бир цар.
«Из болх дӀабахьара керттера бахьан - цӀаьхха хий айденна хӀама хуле, тӀаьшта кӀалхара моттиг паргӀатта хий чакхдала йиш хургйолаш лоаттаяр, хий соцадеш йола нувхаши кхыйола хӀамаши тӀаьшта кӀалхара дӀайоахаш моттигаш мукъаяхар», - йоах тхогарча хоамо.
