Аьха Ӏодаьхкача лаьттан оасаша хьунашка цӀи дӀа-хьа яржийтац
Хьунашка ювлаш йола цӀераш дӀа-хьа яржаргйоацаш, лаьттан оасаш аьха Ӏодахкар лоархӀаме да, яхаш, кхайкаду вай мехка. Из хоам «Сердалога» бир Ӏалама гӀулакхех йолча министерстве.
«Тракторашта тӀехьа нохараш дийзе, дӀахьош ба из болх, лаьтта баьцех цӀендеш. «Экологи» яхача проектага гӀолла; керда машинаш, гӀирсаш кхаьчад хьун боахама паркашка, цу гӀулакхо дикка аттача боаккх из болх», - йоах тхогарча хоамо.
Лакха гаьнаш ягӀача доазон юхера цхьан метрагара йиъ метрага кхоачаш шорал долаш хила деза йоархӀаш юкъе йоаца лаьттан оасаш. Цу гӀулакхо цӀи цхьан моттигера кхычахьа дӀатӀаялийтац.
БӀарчча шера хьун боахама болхлоша тӀахьожам лоаттабу цу лаьттан тӀа йоархӀаш, гаьний ткъовронаш хургйоацаш. Ӏалама гӀулакхех йолча министерствос болх бу хьун хьал лорадеш, цӀераш ца яржийташ.
Ӏалама моттигаш лораяра тӀехьа, лоархӀаме болх ба из.
