«Хьехамий кхетаче дӀаяхьара, Тутайнаькъан Аьсета цӀерагӀча ГӏалгӀай лорий колледже вена хилар СВО ветераний Ассоциаце гӀалгӀай отделене кулгалхо Гаьгенаькъан Ӏамархан, дин викал Мамилганаькъан Ӏаддал-Мажит, лаьрххӀача тӀема операце ветеран, карарча хана кагирхой Министерствон болхло Шоанахой Муслим. Дувца оттадаь дош дар, кагирхошта юкъе терроризма, экстремизма зулам даргдоацаш, царна ха дезар хьалхадаккхар, цу гӀозарах лоравалара де дезар», - аьлар хоамо.

«Тахан, цӀаккха а ца хиннача тайпара, лоархӀаме да вай кагирхой во-дика къоастаде ховш хилар, зуламхой гӀозара юкъецабахар. Республикан кхоане шун кара я», - аьлар хургболча лорашка Шоанахой Муслима.