Из бохабара бахьан дар, цу оагӀоно ше тӀаийца декхараш кхоачаш цадар.

«Нувхаш дӀакхахьара яь чӀоагӀо йохайир. ГӀажарий-Юртарча чӀоагӀача нувхашта лаьрхӀача моттиге дӀаяхьа еза нувхаш, МагӀалбикерча, бокъонах ца йоагӀача моттигерча кхалаж тӀа нийслора.

ЙоагӀаш банко луш йола чӀоагӀо янза йиссаяр. Диъ шера хьийжар, 2020 - 2023 шерашка.

Дукхаза РФ 12.11. 2016 №1156 йола Паччахьалкхен соцама чӀоагӀо, нувхаш дӀакхахьара йола бокъо массехказа толхайир.

ЧӀоагӀа нувхаш дӀакхахьара йола бокъонаш телхаярах 16-за каьхаташ оттадир.

Из гӀулакх дӀахьош юкъекхийлар Республикан Паччахьалкхе, ГӀалгӀай республикан Прокуратура, Къилбаседа-Кавказа моттигашта юкъера Росприроднадзора урхалле», - аьлар Ӏалам лорадераша.

ГӀалгӀай Республикан Арбитражни суде Ӏалама Министерствон лоткъам тӀаийцар 2023 шера лайчилла бетта. Бакъда жоп лур - «Экосистема» ОООс юха чуделар из гӀулакх ЯлхайттлагӀча арбитражни каьхаташ юха чулуш йолча суде (Ессентуке). Укхаза а моттигера оператор ийшар. 2024 шера кӀимарса бетта 9-ча дийнахьа, ГӀалгӀай Республикан Арбитражни суда хьалха баь соцам битар, кхы ца хувцаш, «Экосистема» ООО лоткъам тӀа а ца эцаш, законо дӀадехар чӀоагӀденнарг лаьрхӀар.