Хьун моттигаш лораю Ӏалама гӀулакхех йолча министерствос
21.07.2025 10:35
ЦӀерцара хатараш даржарах тарра, хьун моттигашкара тӀахьожам чӀоагӀбаьб вай мехка, къаьстта юрташца хоттаенна ядача хьунашкара тӀахьожам. Хьунашка цӀерашцара хатараш даржаргдоацаш, къахьегаш ба тахан экологаш. Бахархошка дехар ду, цӀераш ма летае, йоагаш йола цӀи бокъонцахьа дӀаяйна яллалца юхера дӀа ма аха, кхорзаенна латта баьцаш йоагае ма увтта, яхаш.
«ЦӀерцарча хатарашца дувзаденнараш лорадеш боацарашта гӀод деттаргда, цхьайолча моттигашка суде гӀолла бехктокхаме а озаргба. Ӏалам, шоай доалахьара хӀама лораде дезараш нах шоаш ба. Диц ма де, Ӏалама моттигашкара цӀи геттара сиха дӀа-хьа яржилга», - дийцар тха газетага.
