Шолжа шахьара кагирхоша кхетаду экстремизма зулам
20.03.2025 16:14
Шолжерча культуран ЦӀен болхлоша профилактикан болх дӀабихьар «Экстримизман - ак» яхача кхетачене, аьлар «Сердало» газетага ГӀалгӀайчен культуран Министерстве.
«Моттигера кагирхой дика дакъа лоацаш хилар экстремизмах лаьца, цох зулам доалаш хиларах дола къамаьлаш деш, цу унзарча зулама духьала къовсам лоаттабарах.
Цул совгӀа, гулбеннараша къамаьл дир тайп-тайпарча къамий викалашца, шоайла бувзам лелабарах, юкъе цатоамаш хургдоацаш, экстремизма тӀатайжа гӀулакхаш юхатохара», - аьлар культболхлоша.
Кхетаче вӀашагӀъеллараша, эктремизма оагӀорахьара хьал довзара, из юхатохара дукха къамаьл дир кагирхошца.
«Кхетаче дика дӀайихьар шоайла къамаьл деш, цу вонна духьалъ- оттаяра йола говзал эцаш», - аьлар культура ЦӀен кулгалхочо Хьулахой Залинас.
