ГӏалгӀайчен кагирхошта хьалхадаьккхар, шеко йолча йоазонах хьадоала зулам
ГӏалгӀай мехка терроризма, экстремизма духьалъоттара даим болх дӀахьу бе-беча моттигашка, гӀулакхаш тӀарча наха. Цун керттера декхар да, цу тайпара хӀама ца хилийта беш бола болх дӀабахьар, зуламашта юкъебаргбоацаш вай кагирхой лорабар. Цу тайпарча, лаьрххӀа йолча гойтама материалаша дувц тамашийнача йоазонашца дувзаденна хьал цхьайолча хана наха мел зуламе доалаш хул, дукхагӀча даькъе вахара бувзамашка кагирхошта нийслуш дола гӀулакхаш да уж. Из хоам «Сердало» газетага бу ГӏалгӀай Республикан Миннацо.
«Йоазош тӀа сиха шоашта тӀехьавалар дехац. Из хила тарлу могадаь доаца сурт е цхьайола белгалонаш, йоазош. Закон хацар аьнна, бехктокхамах кӀалхарвалац. Тайп-тайпарча наькъ тӀа боах цу тайпарча гӀулакхо вӀалла а дагадоацаш бараш, цун бахьан да интернет, кхы а чӀоагӀъяланза йола сага оамал, духьале е цамагар. Цу бахьанаша воаккх харцахьарча наькъ тӀа; эктремизмага, терроризмага кхоачаву. Хӏанз мара баха дӀаболалуш боаца кагирхой аттагӀа Ӏехалу»,- йоах лоархӀамеча хоамо.
Белгалдаккха дезаш да, даим шоашкара дакъа юкъедахь мехка тайп-тайпарча СМИ, паччахьалкхен урхалленаша, юкъарча цхьанкхетараша.
Вахаре эггара лоархӀамедар да экстремизмаца, терроризмаца къовсам лоаттабар, из тахан лакхача паччахьалкхен боарам тӀа да. Россе законо сага бокъо лораю, паччахьалкхен доакъой болх цхьоагӀо йолаш лелабу.
Россе карарча хана лаьрххӀа йола бокъонаш я; терроризма, экстремизма зулам даржаргдоацаш юкъеена.
