Ачалкх яхача хих тIий тиллар Юкъерча Ачалкхе
06.11.2024 10:04
12 метрага кхоачаш дола тIий тиллар Юкъерча Ачалкхе, итт дийнахьа къахьийга. Из тIий цига тилла аьнна Мехкадаьга дехар даьдар тIема операце вахар хаьдача бIухочун нанас Хамхой Заремас.
ДIабахача бетта бахархой тIаийбеча Россе Президента Магасерча моттиге бIухочун наьна дехар теркалдир вай Мехкадас Келаматанаькъан Махьмуд-Iаьлас. МагIалбика кхален администраце кулгалхочунна тIадиллар мехка Кулгалхочо керда тIий тиллар. Къаьнара тIий, тишденна, хувца дезача кхаьча дукха ха яр.
Мехкадаь зарбан болх лелабераша теркалдечох, Хамхой Зарема, иштта бахархой чIоагIа раьза ба кердача хувцама. Бахархой хьал хIанз дикка аттачахьа даргда.
