Ше морг кхы йоаца культуран гӀишло хьакхеллар тӀоговзанчий-меттаоттадерий ишкола «ТӀехьале» яхача тоабо. Цо хоадам боллаш дувцаргда, гӀалгӀай дӀадахача бӀаьшерашка хиннача вахарах.

«Цига го йиш йола хӀара гӀирс, ше хиннача тайпара хьакхеллаб, цига хьажа боагӀарий таро хургья дӀаяхача бӀаьшерен вахарга кхача.

Царна гургда вахара фусамаш хьалха мишта хиннай, наха цӀагӀа малагӀа гӀирсаш леладаьд, чура а арахьара а гӀалай лагӀаш мишта хиннад. Цига го йиш я кӀувсаш-истингаш, шалташ, кӀудалаш, иштта кхы дукха къаьнара хӀамаш», - аьлар ший вахара бувзамашка ГӀалгӀайчен улгалхочо.

Белгалду, ардара бетта хьалхара музей хьайийллаяр, цига къахьегаш «ТӀехьален» говзанчаш бар. Цу гойтаме дар Лохера Пхьуй оалача гӀалашкара корадаь, 500 къаьнарча вахарца дувзаденна хӀама.