Арштена йисте герз дӀаделла моттиг корайир
Мехкарча Ӏаьдала болхлошта, герз дӀаделла моттиг гучаяьлар республике. «Сердалога» из хоам МВД болхлоша бир.
Россе МВД «Шолжа кхала» яхача МО оагӀон тохкама болхлоша, СКФО Россе МВД ГУ 2 ОРЧ къахьегамхоша, доккхача зуламашта духьала къовсам лоаттабеча оагӀоно, Россе УФСБ болхлошца, Арште яхача юрта йистера герз дӀаделла моттиг гучаяьккхар.
«80 сантиметрага кхоачаш кӀоаргал йолча кӀоаг чура Ӏаьдала корайир 2 гранатомёт РПГ-18 «Муха», РПГ-22 «Нетто»), алабеттарг РПО «Шмель», 3 мина (2 «ТМ-62», 1 «ТМ-57»), хӀама лелхийташ дола гӀирсаш, чухьа хир даьккха ПСМ тепча, гранат «РГД-5», СКС топа хьалхашкара дакъа, 12,7 мм калибрах йолча поатроний аьшка кӀопилг, 12,7 мм калибрах йола 39 поатрон», - дийцар тхога Ӏаьдала болхлоша.
Белгалдечох, къайле Нохчий мехкарча Ахабоарзе вийнача НВФ доакъашхочун хиннай. ПСМ тепча, СКС топ цар хьал тахка дӀаеннай. МеттагӀйоахача хана, лелхар кхерам бола хӀамаш УФСБ болхлоша шоаш ядача лелхийтар.
ДӀахо тохкаш латт из гӀулакх.
