Гӏалгӏайчера Бохтаранаькъан Ӏумара толам баьккхар, Европа U-17 Хьалхале къайсача
Бохтаранаькъан Ӏумара, тренера Дошхьакъалой Ислама кулгал деш, дото совгӏат даьккхар эллиной-румий Европа Хьалхале къайса U-17 латарах, яхаш, дийцар «Сердало» газетага Гӏалгӏайчен спорта Министерстве.
«Ӏаьлий-Юртарча спортивни ишколе ӏомалуш волча спортсмена йиллача ханал хьалха котало яьккхар Польшерча, Турцерча, Молдоверча спортсменашкара. Бакъда тӏеххьара латар дӏахьош, цунгара котало йихьар Гӏуозлой мехкарча викало, Самоков-Шахьаре вай спортсмена латара чаккхе еш, из хилар шоллагӏча моттиге, 45 кг дозал долаш», - аьлар хоамо.
«Из майдилг, Россе гулъяьча тоабан юкъара толам ба, цо хьалхара моттиг яьккхар Европа Хьалхалене, къаьсттача тоабашта карагӏдаьннар дӏалаьрхӏача, вай мехкарча тоабо ворхӏ совгӏат даьккхар, царех пхиъ дошо майдилгаш я», - аьлар тхоца къамаьл даьчо.
Белгалду, Хьалхале яккхара къовсамаш дӏахьош дар Болгаре.
