Хьун боахама зе даь моттигаш гучаяьлар мехка
Шолжа кхален хьун моттигашка рейд дӏаяхьа арабаьнна хилар цу оагӏонцара болхлой. Из хоам «Сердалога» бера ӏалама гӏулакхех йолча министерствера. «Оалкамарча хьун боахама хьал миштад тохкаш хилар мехка.
Бокъо йоацаш тийда яда гаьнаш корайир хьун юкъе. Гаьнаш тийдача ядаш хиларо зуламхой дикагӏа гучабоахаргба», - белгалдир ӏалама гӏулакхех йолча министерстве. Полице болхлой оарцагӏбаьхаб цу гӏулакха. Цул совгӏа, цу хьун боахама тӏахьожам беш хиннарашца а болх дӏахьоргба, иштта дола зулам мишта чакхдалийтад тохкаш.
Бахархошка кхайкарал ду, хьун боахама зе даьр цу оагӏонцарча бокъонга хьежжа бехктокхаме озаргва! Хьу массане юкъара беркат да, Дала хьаденна, цун хӏама толхаде бокъо яц цхьанне.
Шолжа, Жӏайрахьа кхалений моттигашкарча бахархошта хьалхадаьккхад, нагахьа хьун боахама зе деш дола хӏама теркалдаьдале, ха ца йоаеш, укх номерах телефон дӏатоха, аьнна: 8 (928) 731- 00- 02.
