Мехка лоархӏамеча новкъа мархаш дастале асфальт ӏобулларгба
03.03.2026 11:05
Илдарха-Гӏала – Яндаре яха никъ тоабеш бола болх ба мехка дӏаболабаь. Из хоам «Сердалога» бера цу оагӏонцарча министерствогара.
РФ Президента Путин Владимира чӏоагӏонца йоаржаяьча къаман проектага гӏолла дӏахьош ба из беркате болх.
«Къаьнарча наькъах хӏама дисадац укхаза. Къаьнара тӏий хиннача моттиге хий чакхдувргдолаш йоккха ши турба йиллай. Яндарера Орджоникидзе урам дукха машинаш лелаш ба.
Илдарха-Гӏала – Яндаре яха никъ тоабеш бола болх дӏахохьош ба тахан», - дийцар тха газетага. 3,2 км никъ ба цига ӏобилла лерхӏар, иштта гӏашлой наькъаш да тоаде лерхӏаш.
Эггара хьалхара асфальт Рамадан чакхбалале ӏабулларгба, цӏай долча деношка бахархошта дикахетар де, хӏаьта деррига балхаш маьтсела бетта чакхдаха лерхӏ.
