ГИБДД кулгалхочо машинаш лелаерашта хьалхадаьккхар, дешара шу дӀадолалуш хилар
ГӏалгӀайчен наькъа полице кулгалхочо тӀахьийхар машинаш тӀа багӀараш, республикан наькъашка берий кхерамзле лораяра, яхаш, дийцар «Сердало» газетага мехка МВД.
«ГӏалгӀай Республике гӀолла йолча МВД ГИБДД кулгалхочо, полице полковника Пасечный Алексея «Наькъашка дешара шу дӀадолалуш кхерамзле лораяр» яхача болама чудоагӀаш, къамаьл дир «Магас» НТРК эфире гӀолла, наькъа болама доакъашхошка, берий даьшка-ноаношка.
Полковника терко тӀаяхийтар наькъашка хулаш долча зуламашта, бераш лозадеш йолча моттигашта. Цо иштта белгалдир, 2024 шу хьахилча денз, кхувш доагӀа бераш ДТП юкъе нийслуш дола хатараш», - аьлар бокъонаш лораяра боахаме.
Юххера а, цо тӀахьийхар машинаш тӀа багӀараш наькъа болама бокъонаш лораяра, иштта ловца баьккхар уж дикача наькъ тӀа а маьрша а хилар ловш.
