Гӏалгӏайчен Халкъа фронто хьаллаьцар, да воацаш биса дезал
Сага вахар дагадоацаш хувцадала йиш йолаш да. Цӏен доал леладеш, эшар лоаттадеш, дезала бӏоагӏа хинна лаьтта цӏен-да, берий да воацаш бисача; деррига дуне хаьрцача санна хет. Кхалсага тӏадус доккха дукъ. Цу тайпара моттиг нийсъелча; вахарера халонаш, бераш кхедар хӏара денна нийслуш хул, цхьаннена хала да из леладе.
Гӏалгӏай мехка дезал лархӏар, шоайла накъабоалаш хилар хьалхарча моттиге лаьттад даим, цу халонашта цхьана духьалъотташ хиннаб. Моттигерча яхархочун халача вахарах шийна хезача, республикерча Халкъа фронто лаьрхӏар, юстара ца йиса. Президента болама гӏончаш, кхы тӏехьа ца тотташ, цига кхаьчар, цу дезала новкъостал де, шоаш цхьаь боацилга царна гойта.
Гӏончаша шоашца дихьар шекар, хьоар, ӏов, генарий даьтта, кхыдола новкъостал. Хало кхаьчача дезалашта эггара чӏоагӏагӏа накъадаргдар. Цул совгӏа, ахчанца гӏо дир цхьаь йисача кхалсага.
Халкъа фронта тоабо цу фусаме ший дега йӏовхал ера. Цар ладийгIар фусам-наьнага, берашца лайзар, кӏеззига уж тебеш, царна тоам бар деш, уж тешабир кхерамзле йола кхоане царна хургья, аьнна. Болама викалаша белгалдир, из никъ шоаш цкъа бена ӏергбоацилга, дӏахо а цу тайпара новкъостал лоаттадергда, вахарца дувзаденна хаттараш кхоачашдергда, яхаш, дийцар хьаьшаша.
Кӏалвисача кулг кховдаде вайна уллув саг волча хана, моллагӏа йолча халонна сатохаргда.
