ДӀаяхача бӀаьшерен тамашийна куришка кораяьй тохкамхошта ГӏалгӀайчен лоаме
Тохкама балхаш дӀахьош, ГӏалгӀайчен лоаме дӀаяхача бӀаьшерен тамашийна куришка корайир, яхаш, дийцар «Сердало» газетага «Тӏехьале» яхача гӀишлонхой-меттаоттаяра Ишкола зарбан болх лелабераша.
«Тохкама балхаш дӀахьош дар хӀанз йолаш йолча йийллача 2024-2025 шерарча листа чудоагӀаш. Лохерча Пхьуй №4 йолча гӀалан даькъ тӀа болх дӀахьош, «Октябра 20 шу» яха йоазув тӀадолаш куришка корайир, цо историкаш кхоачабу 1937 шера-Октябрьски революце 20 шу дузаш хиннача Сталина ханага. Говзанчий терко тӀаозаш ба из гӀирс. Таханарча денга кхоачаш, царна кхыча музейшка цу тайпара хӀама нийсъеннаяц, цудухьа я из тамашийна», - аьлар хоамо.
Укхаза, Лохерча Пхьуй, лечкъаш хиннав №2 йолча гӀала чу Серго Орджоникидзе. Историкашта хетачох, 1937 шера из куришка совгӀата енна хила езаш я ПхьугӀой тайпах болча Элмарзанаькъан дезала, «революце» дезал царех лоархӀаш, уж гӀулакх доагӀаш хиннаб Орджоникидзеца, цунна новкъостал деш, революцен гӀулакхаш кхоачашде.
