«Гуш дола кердадар» яха Халкъашта юкъера телекинокхетаче хургья Лохерча Новгороде маьтсела бетта
2026-ча шера маьтсел бетта 25-ча денгара 29-ча денга кхаччалца, «Гуш дола кердадар» яха Халкъашта юкъера телекинокхетаче дӏахьоргья Лохерча Новгороде. Культуран оагӏонцарча Президента ганзага гӏолла йоржаеш йола таханара кинон, цу оагӏонцара кхоллам хьаллоаца йоккха, лоархӏаме проект я из.
Къамашта юкъера культуран оагӏонцара бувзам чӏоагӏбеш, тахан кино малагӏа моттиг дӏалоацаш да белгалдеш болх ба из. Къаьстта йоккха терко лоаттаю из гӏулакх вӏашгӏделлараша лакха начӏал дола къонабараш гучабахара: документалисташ, оператораш, телепрограммаш хьакхоллараш. Тайп-тайпарча мехкашкара журналистий, кинематографистий тоабаш хургья кхетачен юкъе дакъа лоацаш, иштта йоккхий кхоллама яхьаш дӏаяхьа лерхӏ цига.
Кхелахоша хьахоржаргда дикагӏа дола документальни кинош, тематически итт оагӏонцара телевизионни проекташ.
Из программ йовза, доакъашхоша малагӏа болх лелабе беза ха йиш я телекинокхетачен керттерча портала адресах: https://newrealӏty.tv/.
