Эбарга-Юртарча кердача ишколо кастта ший наIараш хьаелларгья
В сельском поселении Троицкое скоро будет введена в строй новая школа. Она получит порядковый номер — 5. Четыре общеобразовательных учебных заведения в селе уже есть.
Цун кулгалхочо Iоахарганаькъан Зинаидас яхачох, ишколан тоаба хала бора болх, бераш сов дукха хиларах. Эшам болаш дар классай хьал. Таханарча дийнахьа, ишколе дешаш 1100 бер да. 320 дешархочоа лаьрхIача проектах кхеллача ишколе, деша дагIа бераш кхозза дукхагIа хул. ХIанз, кердача ишколе бераш дIачудигача тхоай болх боаггIача боараме дIабахьа аьттув хургба тха, дийцар кулгалхочо. №5 хургйола ишкол, таханарча денга диллача, эшаш мел болча кхоачамца тоаяь я. Сийрда кабинеташ, библиотека, книжкаш дешачар зал, лаборатори, церга лора кабинет, актови зал — деррига а лакхача боараме тоадаь латташ да.
ДукхагIйолча кабинеташка интерактивни оалаш дола доскаш дехкад. Планшетни компьютерешца цу доскашца болх бе, аьттув хургба берий. Планшетни компьютераш а ишколе, Iооттаяь, йолаш я. Иштта ишколе хургья йиIигашта лаьрхIа хIамаш тега машенаши, даараш кийчде пишкаши йолаш моттиг, кIаьнкий аьттув хургба дахчах, аьшках хIамаш е. Керда дешара шу хьаоттача хьалхарча дийнахьа, ший хьаьший тIаэцаргба, хозалца бIарг тIаотташ болча, кердача дешара кхуврчо.
