Керда доккха маьждиг хьадийллар Долакоа
21.10.2024 15:49
Долакоарча бахархоша цу маьждигага сатувса дукха ха яр. Из хьалдеш латта бархӀ шу дар. Ерригача ГӏалгӀайче гӀолла шоай лоӀамах наха цунна гулдаь ахча тоъаш дацар.
Цудухьа из лоархӀаме гӀишло хьалъяр юха хьахьоадир ГӏалгӀайчен кулгалхочо Келаматанаькъан Махьмуд-Ӏаьлас аларах, иштта «Сафмар» оалача ганза кулгалхочо Гуцаранаькъан Микаила новкъостал дарах.
«Кердача маьждиге Долакоарча бахархой паргӀатта ламазаш де, Даьла хьоахаве таро хургья. Хьалха санна готта йоацача моттиге, цӀенача, сийрдача маьждиге гуллургба уж шоай ламазашта», - аьлар мехка кулгалхочо.
Цу чу ламаза отта йиш йолаш ва 3000 совгӀа саг.
