Керда модульни оала отелаш, хьелларгья вай мехка хьатIабоагIача бетта
ЖIайрахьа кхален моттигашка туризм йоаржаяра тIехьа къахьегаш ба республике. Модульни оала отелаш хьалъе вIашагIъелла кхо проект я мехка тахан.
Хьалхарча проектага гIолла 10 моттиг хьалъяь баьннаб, шоллагIча проектах - шиъ. КхоалагIча проектага гIолла тоаеш латта отель кастта кийча хургья. ХьатIабоагIа бутт юкъекхаьчача хана кийча хургья еррига моттигаш, Дала аьннадале.
«Туризм йоаржаяр тахан лоархIаме да берригача мехка. Тамашийна Iалам, дIаьхий истори дола вай мохк цкъа веначунна атта бицлургбарех бац. Белгалде деза, 2024-гIа шу дIадоладеннача хана, вай мехка 61 220 турист хиннилга. ДIадахача шера хинначул 17,1% дукхагIа айденнад из гIулакх. 2012-ча шера денз 19,6%-га кхоачаш дукхагIа я фусамий ганз. Таханарча дийнахьа вай мехка болх беш 622 гостиницашкара 622 фусам я», - дийцар Мехкадаь къамаьл теркаме лоацаш, цигара зарбан болх лелабераша.
