Бахархошта хьалхадаьккхар, дегӀа лоархӏамеча маьженаша мишта болх бу
ГӏалгӀайчен унахцӀенон Министерствон говзанчаша, Дерригдунен жамарий ди долаш, сага дегӀацарча жамараша мишта болх бу наха довзийта лаьрхӏар.
Из хоам тӀабола каьхат министерствон телеграм-оагӀон тӀа да, яхаш, хоам бу «Сердало» газетага унахцӏено лораерий зарбан болх лелабераша.
«Жамараш лоархӀаме дегӀа маьже я, цо хӀара денна цӀенду вай дегӀ, хицара хьал нийса леладу, дегӀацара ца эша во хӀама арайоаккх. Цудухьа цар болх бара духьала доацараш дукха дувц», - йоах хоамо.
Укхаза цу дукхача хаттарашта жоп лу. Иштта сага довзаргда: юкъ лазаш хилар жамарашца дувзаденнадий? Нагахьа хӀама лазаш еце, жамараш могаш дий? Массахана а хулий дестам жамарашца дувзаденна?
Кхертӏой, во хий бахьан долаш хулий? Из деррига лоархӀаме да моллагӀча сага.
«Лорае жамарий могашал: кхоачам болаш хий мела, даар къердаш хилийта, лорашка чакхдоалаш хила», - йоах республикан унахцӀенон Министерствос.
