Тӏахьожам боацаш, Ӏоаяьхка ядача молхаех зулам дала тарлу
ГӏалгӀайчен бахархошта хьалхадаьккхар, зӀамигача бераша тӀахьожам боацаш йита молхаш мелаш хилар, иштта цӀагӀа лелаеча кхыча «хими» оалача хӀамаех зулам доалаш хилар, аьлар «Сердало» газетага ГӏалгӀай Республикан бокъонаш лораяра боахаме.
«Наьсарен-Шахьаре гӀолла йолча Россе МВД кхувш боагӀарий гӀулакхех йолча урхаллено хоам бу, ГӏалгӀай Республикан доазон тӀара бераш, тӀахьожам боаца молхаш менна, цӀагӀа лелаеш йола бытовой хими оалача хӀамаех лазар лаьца, тӀехьарча хана дарбанчешка дукха хьалчудига хиларах. Из иштта нийслуш хилара бахьан да, уж тӀакхоачаргдолча уж хӀамаш а молхаш а боккхагӀчар юташ хилар. ДукхагӀа нийслу 2-5 шу даьнна бераш», - йоах хоамо.
Даьшта, боккхагӀчарна хьалхадаьккхар, зӀамигача берашта ховш хилац шоашта цох доккха зулам даргдолга. Цар зӀамигача кера уж ла хала я, цудухьа цох доккха зулам дала тарлу, цӀагӀа лелабу кхыбола химеца бувзабенна гӀирс а берашта гаьнабаккха беза.
Даьй а, кхыбола боккхийбараш а бехктокхаме ба цу хӀамах; цул совгӀа, уж административни жоп дала оттабе тарлуш а ба. ДикагӀдар да, цу тайпара хьал нийслургдоацаш лоравалар, цу хӀаман хьисап долаш хилар.
