Къаман проекташцара болх лакхача боараме дӀахьош ба мехка
Къаман проекташка гӀолла вай мехка чакхбаьккхар боккха болх ба. БоаггӀача боараме дӀахьош да цу оагӀонцара гӀулакх. Цох лаьца республикан Кулгалхочунга дийцар мехкадаь Администраце Паччахьалкхен проекташцарча балхех болча оагӀонна хьалха латтача Малсаганаькъан Бек-хана.
Мехкадаьс тӀадилла, къаман проекташка гӀолла хьалъяьча ишколай, берий бешамий, дарбанчий, спорта моттигий хьал тохкаш хилар мехка.
Иштта Мехкадас терко лоаттаю уж балхаш кхоачашдеш дӀаухаш долча ахчанна.
«Тахан хьалъеш йола гӀишлош боаггӀача боараме болх дӀахьош, тӀехдика тоаяь хила еза. Из болх лерттӀа хилийтара тӀехьа бехктокхаме да вай мехкахошта хьалхашка», - белгалдир Макшарипа Махьмуд-Ӏаьлас.
Белгалде деза, цу оагӀонцара балхаш массахана лакха терко еш хургдолга. Тахан хьаеллаш йола моттигаш дӀадахача ахчанга хьежжа, лерттӀа тоаяь, дега тоам беш хила еза.
