«Сунт» яхача ОПМ оагӏоно наькъашка хила тарлуча хатарех лорабир нах
Наьсарен-Кхалерча полице болхлоша, наькъашкара бокъонаш лораеш боацараш гучабоахаш, болх бу. Из хоам «Сердалога» бир МВД болхлоша.
«Наькъашкара кхерамзлен хьал лорадарах йола «Сунт» яхача ОПМ рейд дӏахьош хилар Россе МВД Наьсарен кхален ОМВД болхлой, республикерча МВД кулгалхочун декхараш кхоачашдеш волча полице полковника Козярский Алексейс тӏадилла», - йоах тхога бенача хоамо.
Шоай болх дӏахьош латтача цар теркалдир 36 кхоачамбоацар. Машинаш тӏара кораш баьдду хӏама ӏояккхийтар бахархошка, хӏаьта цхьацца йола машинаш ӏаьдало ӏочуйигар. Наькъашкара бокъонаш лораеш боацарашца къамаьл дир полковник волча Козярскиq А., СКФО Россе МВД Юкъарлен Кхелаа хьалха латтача Гаданаькъан Мусас, республикерча УГИБДД МВД кулгалхочун декхараш кхоачашдеш волча полице полковника Зурабанаькъан Султана.
Наькъашкара бокъонаш боаггӏача боараме лораяр; ший, наьха кхерамзлен хьал лорадар мел лоархӏаме да дийцар цар цу наьха гаргара нах, дийша нах, кхыбола хьакимаш болаш. Гӏалатбаьннарашта хьалхадаьккхар, динга, къаман ӏадаташка диллача; из тайпара хӏама леладар ийрча, харцахьа долга.
Наькъашкара хьал меттадоаладе гӏерташ боккха болх ба тахан ГИБДД къахьегамхоша дӏакхухьар. Дӏахойодача хана а дикка чӏоагӏбеш, гӏалатбаьннараш бехктокхаме озаш, дӏахьоргба из лоархӏаме болх.
