Республике туристаш бийбаб
В ходе отчета Председателя Правительства РИ Владимира Сластенина в Парламенте республики о результатах деятельности Правительства Республики Ингушетия за 2022 год было сказано о результативной деятельности по развитию туристической отрасли, в которой значительную роль играет благоприятная экологическая обстановка и богатая история, культура региона, сообщает корреспондент газеты «Сердало».
«ДIадахача шера республике 105,5 эзар турист венав. Хьалхарча шерашка хиннарел, 3% дукхагIа нах ба уж. Роспатенто чIоагIъяьй «ГIалгIайче — гIалай моттиг» яха калам. Из я вай керда туристически белгало. Хьачуухача туристашта аттагIа мел хургдар юкъедоаладеш, тоаеш латт туризма моттиг тахан. Жайрахьа-Кхалера «Эрзи» яха архитектурни комплекс, БоргIа каш, Фуртогера кхуркхолг, ДаьттагIера наькъаш, МагIалбикера тIом лаьтта моттигаш тоаяьй, дикка кулг тохаш.
Белгалде деза, уж еррига моттигаш туристашта хоза хеташ, уж тIалатташ йолга. ДIадахача шера, бизнесменаша гIо деш, 23 туристически проект кхеллар вайцига. Царех пхи проект болх беш я, 18 проект укх шера кхоачашъе езарех я. 2023-ча шера, федеральни бюджетера 184,5 млн сом ахча хьахьожадеш, туристашта бийсаш яха моттигаш тоаеш болх дIахьоргба. ДегIа могашал эшаеннача наха лаьрхIа а кердадараш юкъедоаладе лерхI укх шера. «Iарамхи» оалача салоIача моттиге ма хулла дукхагIа хьаьший тIалаттаргболаш, цигара хьал таханарча хана дIадеххача тайпара хургдолаш, къахьега лерхI.
ГIалгIай мехка, дерригача дунен тIара туристаш тIалаттал, тамашийна хоза Iалам, тIабаьхка хьаьший безаш, лоархIаш бола нах ба. Туризма хьал тоадара эшаш мел дар мехка долаш да, духхьал къахьега мара ца дезаш.
