ГIалгIайчен кхоъ эзар дешархо, моажола бетта, «Билет в будущее» проекта доакъашхо хургва
Профориентационный проект «Билет в будущее» поможет в выборе будущей профессии учащимся школ Ингушетии. В новом учебном году почти 3 тысячи школьников республики получат возможность примерить на себя разные специальности. Выбор у ребят при этом богатый — от младшей медицинской сестры, повара и пожарного до телеведущего, бухгалтера и экскурсовода.
Цу юкъе харжа йиш йола профессеш дукха я: зIамагIйолча лорий йишийгара дIайолаенна, поварага а пожарнега а, телевидене болхлочунга кхаччалца, иштта бухгалтера, экскурсовода профессега кхаччалца.
«Школьникашта лаьрхIа кийчдаьд мультимедийни гойтамаш, тематически доазонаш, «Кванториуме», «Инстинг», сервиса быта Назрановски колледже, Шолжерча цIера-кIалхарваккхара колледже, технопарке, иштта кхыча майдаш тIа — мастер — классаш.
Цул совгIа, карарча шера, дешархошта лаьрхIа хургба «Билет в будущее онлайн форматах бола интерактивни гойтам.
Берашцара бувзам лелабергба хьехархоша-навигатораша, уж хьехархочун говзал лакхъяьккха хургба. Из деррига а лаьрхIа да, 6-II классашка дагIача бераша шоашта професси харжара, кийчо ергйолаш. Из проект «Успех каждого ребенка» яхача, федеральни проектах я.
Проект дагаехар я Россе дешара Министерства», — аьлар «Сердало» газетага, ГIалгIайчен дешареи Iилманеи Министерства пресс-служба.
«Проект геттара а, ше морг кхы йоацаш, дикагIа ярех я, хIана аьлча, дешадагIача берий таро хургья, шоашта бакъахьа хеташ йола професси харжа а, иштта цунна халххе а кийчо е а. Россе — цаI хьалхара я, цу тайпара проект дIахьочарна юкъе», — аьлар Гуманитарни Проектай Фонда директора Есин Ивана.
