35,7 млн сом гаргга дӏалургда Гӏалгӏайчен Россеташта декхарийла болча наха
«Къилбаседа Кавказа Россеташ» – «Ингушэнергос» 2026 шера хьалхарча кхаь бетта судага гӏолла хьадаьккхад токах декхар доаллача бахархошкара 35,7 млн сом.
Цох 23,3 млн сом дӏалургда судо яьча кхелах юридически наха, 12,4 млн сом - «юртхой» оалача декхар доаллача наха.
Деррига а наджгоанцхой-тушола бетта, карарча шера энергетикаша оттабаьб 2 030 лоткъам, уж да 167,9 млн сома маьха.
«Къилбаседа Кавказа Россеташа» бахархой тӏахьех бехктокхаме хилара, шоаш йоагаяьча токах бола мах ӏаьдала дӏабалара. Нагахьа санна из судага гӏолла хьадоакхаш хилча, цар шоай декхар меттел, судо дӏахьоча балхах доагӏар а дӏадала дезаргда. Декхар доаллача сага ток дӏахоадаярах, из юха дӏахоттарах йоагӏа йоал а яла езаргья - из тӏехьара тӏа дӏадодаш дола ахча да, нагахьа сага ший ханнахьа декхар дӏалуш хилча, из цар доаде дезаргдац.
Наха декхар дӏалуш ца хилча, ток лоаттаераша из гӏулакх суда пирстопашка дӏалу. Цар шоай аргӏагӏа - ахча дӏа ца луш гоадарах бола мах тӏатох, цул совгӏа доалахьара хӏама дӏадаккха оттаду, банка чот е балха алапи соцаду, Россера аравала таро а хилац.
Электроэнергех бола мах дӏабала йиш я лаьрххӏача мах хьаийбеш йолча компане Центрашка, ше дӏаваха ца везаш, цӏагӏа вагӏаш мобильни приложенега гӏолла «Свет Онлайн», иштта «Доалахьарча кабинета таронашка гӏолла, моллагӏча кхыча мах дӏаэцача моттигашка.
