Республика Онкодиспансера тIабода никъ тоабе болабаьб

«Кхерамзленна дикал йола наькъаш» яха къаман проект маьхалйоаккхаш, машенаш лела наькъаш тоаде лаьрхIа ба — «Пхьилекъонгий-Юрт, Элдарха -гIала, Юкъера Ачалкхе, ГIайрбика —Юрт чу а лоацаш, бIоахал, 2,5 км йолаш. Из да, 2021 шера къаман проектах, наькъашка де лерхIачунна чудоагIаш.

«Ингушавтодор» тоаде лерхIача наькъех керттерчарех лоархIаш а да уж. Из республика Онкодиспансера тIабодаш бола никъ ба. Из никъ тоабе яхаш дукхача наха дехараш а даьдар, кхыметтел, цу больница унахош а.

Тоабара юкъедодаш да, никъ ялх метр шербар а, иштта 1,5 м наькъа йистошка асфальт биллар а, 6 см кхоачаш сомал а йолаш из хилийтар а. Цул совгIа наькъа знакаш а йогIаргъя 68 — га кхоачаш.

Наькъа балхаш дIахьош барашка ладийгIача гуш да, латташ йола ха хоза хиларах, лаьрхIачул хьалхагIа из болх баь баргболга.