Кхувш йоагӀа тӀехье, хьамсарча мехка истори довза хьож
Тахан ГӀалгӀайчен Малсаганаькъан Т. Х. цӀерагӀча паччахьалкхен мехктохкама музее ена хилар; деррига довза гӀерташ йола студентий, дешархой тоаба. Из енаяр, ший хьамсарча мехка культура, истори дикагӀа довза. Къаьстта укхаза го йиш яр цар дӀаяхача ханашка хиннар, тамашийна вахар дувца оагӀув, царна вӀалла а ца гуш хиннар.
«Бераша, гӀад а даха, ладийгӀар дӀаяхача ханашка хинначох; ГӀалгӀайчен исторех, цун цӀихезача турпалхоех лаьца дувцаш. Цар хоза хеташ Ӏомайора цига гойташ хинна къаьнара хӀамаш, вай даьша лелабаь дӀаяхача бӀаьшерен къаьнара дегӀа гӀирс, дукха хаттараш а телар.
Музея болхлоша а гӀадбаха дийцар царна шоашта ховраш, дӀаяхача ханашка хиннар сомадоаккхаш, царна гойтар тамашийна хӀамаш. ГӀалгӀай Ӏадатех лаьца дувцар, вай даьй вахарера цхьаццадола гӀулакхаш, хьалха дӀадахар, къаман къонгашта карагӀдаьннар, цар боккха къахьегам бувцача хана, цар из доккхал деш тӀаийцар», - аьлар «Сердало» газетага мехктохкама музея кулгалхочо Саганаькъан Мухьмада.
Бераша, музее яьккха минот а тӀехьа, кӀоаргагӀа уж гӀулакхаш Ӏомадара чуийнна яьккхар, уж чӀоагӀа дезаш бар даьй гӀулакхаш дукхагӀа довзар, уж гор, цар кхетадора, Даьхен истори довзар мел лоархӀаме да.
