Федераце Кхела телеканала «Цхьана – РФ» проекте дувц мехкдаьттан Магӏалбика турпалча гӏулакхех
Сийлахь-боккхача Даьймехка тӏемах дикка довзаш доацараш хьаделлаш йола «Турпален истори» яха программа йовзийтар Федераце Кхела «Цхьана-РФ» телеканала. Цу передачашка бувц лакха денал гойташ, турпалаш хинна лаьттараш, тӏема моттигий истори. Тӏема сийлен шахьар йолча мехкдаьттан Магӏалбиках а дувц цига.
1942-ча шера вӏашагӏъеллар фашисташа «Эдельвейс» яха операци. Операце керттра декхар кавказски мехкдаьтта моттигаш дӏаяхар дар. Шолжа-Гӏалий тӏарча, Бакурча мехкдаьтта моттигашта тӏакхача гӏерташ, чугӏийрта фашист дехьа ца воалийташ, лаьттар вай бӏухой Тирка дукъ яхача моттиге. Вермахта толашагӏбарех бола бӏу дӏачакх ца боалийташ духьалъэттар советски салтий, бахархой, Терски дукъ долча, Алханчуртски аренашка. Кавказ яккха аьнна фашиста вӏашагӏделла хиннар, «парх», аьнна, дехар. Магӏалбикерча мехкдаьтта моттигашкара цхьа литр мехкдаьтта кхачанзар цун доалахьа! Биъ бетта лаьттача лира тӏема юкъе, вӏалла шийна цаметтар гойташ эшавир фашист.
Зӏамигача шахьаро, турпалал гойташ, яьча духьаленах дувцача «Цхьана - РФ» телеканала «Турпален истори. Магӏалбик» яхача документальни кинога хьажа!
