Наькъашкара кхерамзле лораеш ба полице болхлой
30.08.2024 09:16
Магасе рейд дӀаяхьа арабаьннача полице болхлоша 30 совгӀа кхоачамбоацар теркалдир». Наькъашкара кхерамзле лорае арабаьннача болхлоша 22 гӀалат теркалдир, ийс машина тӀара хӀама гургдоацаш теха плёнка Ӏояьккхар. МВД болхлоша хоам бу, машиний кораш дӀакъовларах РФ КоАП 3.1-ча даькъа 12.5 йолча статьях 500 сом гӀод тохилга. Ӏаьдалга ла ца дувгӀаш, плёнка Ӏо ца йоаккхаш лелараш бехктокхаме озаргба 1-ча даькъа 19.3 йолча статьях.
Цу статьяна чудоагӀараш- 2000-4000 сом гӀод, 15 дийнахьа набахта валлар, 40- 120 сахьата Ӏаьдала болх бе оттавар», - дийцар «Сердалога» мехкарча МВД болхлоша.
Белгалде деза, хӀама ца гойташ йолча плёнко ара боад эттача сага доккха зе де тарлулга, цудухьа теркаме лаца деза полице болхлоша дӀадехараш.
