Малав ца ховча цхьан сага, ше йоккхача сетевой компане болхло ва, аьнна, болх балара йола таронаш цун хьалхаяьхай. Моттигерча вахархочо, тийшаболх лелабечо аьннар хьадаьд, цо юстара йолча сайта тӀа регистраци а яьй, ший банковски карта номер дӀа еннай, кхыдола шийх дола хоамаш а дӀадахьийтад.

Цу тайпара, малашб ца ховча наьха карта тӀа 379 эзар 750 сом дӀатӀадахьийтад.

Из ахча дӀадахьийтача цунга хоам баьб цун ахча тӀера хьаэцаргдоацаш соцадаьд, цудухьа кхы а 169 эзар сом хьадайта деза, аьнна, бакъда цо кхы ахча дӀадахьийтадац, цул тӀехьагӀа цунцара бувзам хоадабир, ахча дайра.

Полице болхлой цу даькъ тӀа болх дӀахьош ба, цудухьа вай бахархой лорабалара тӀахьех, интернете гӀолла малашб ца ховча наха деча зуламех.