«Челябинске дӀайихьа эрсий экономически кхетаче, мехка Ӏаьдало вӀашагӀъелла, центро хьаллаьца яр, цо таро хилийтар тайп-тайпарча доакъошкара цӀихеза эксперташ, Ӏаьдала болхлой, граждански юкъарлонна доакъашхой вӀашагӀтоха. Цига дувца таро хилар мехка вахара хьалаш дикагӀа хургдар, экономика чӀоагӀъяр, хьалхашка латта декхараш кхоачашдар.

Из кхетаче белгалйоалаш яр доакъашхой, дувцача дешай майдаш, иштта эксперташ дукха хиларца. Оаха йийцар балха тӀа пайда лургбола оагӀув; дӀахо, тхоайла дӀа-юха дагадоалаш, болх лелабар а вӀашагӀделлар. Оаха, дика хеташ, хьаллоац моттигашта юкъера кхетаченаш, къаьстта хам бу моттигерча Ӏаьдало из хьаллоацаш хилара», - аьлар, Челябински областе гӀолла, ГӀалгӀайченвикал волча Эсамарзанаькъан Амира.

Белгалду, цига Россе ерригача моттигашкара вена хиннача 3000 доакъашхочо, цу юкъе 160 къамаьл даьча эксперташа дийцар инвестицеш дегӀаяра Ӏаткъаш дар, цар балха овсарле совъяккха езаш хилар, экономикацара бувзам лелабе безаш хилар, дегӀаахар, кхыдола дешаш.

Массавола доакъашхо цхьатарра лохаш вар, Российски Федерацен экономически низ чӀоагӀбергбола никъ.