СКФО гӏолла волча РФ Президента викала Гӏалгӏай мехка къаман проекташ кхоачашъяра мах оттабир
Гӏалгӏай мехка вера Даькъастен федеральни куран Россе Президента викал Чайка Юрий. Республикан кулгалхочунца Келаматанаькъан Махьмуд-ӏаьлаца къамаьл деш, цо дийцар, карарча шера ийс бетта экономически, социальни даькъ тӏара республикан толамех, къаман программаш кхоачашъеш хиларах.
Келаматанаькъан Махьмуд-ӏаьлас хоам бир; республике дукхагӏа йола къаман проекташ кхоачашъеш латт, аьнна. Бархӏ проектах ялх - «баьццарча даькъ тӏа» я, шоай ханнахьа бюджетера ахча нийса дӏадахийтарах.
Гӏалгӏай мехка йиллача ханал хьалха кхоачашдаь даьлар ишколаш, берий-бешамаш тоаяра балхаш. Иштта дика хьалаш да наькъаш тоадеча даькъ тӏа а. Республикера наькъаш тоадара болх а лаьрхӏачул сихагӏа кхоачашбеш ба.
Хьу меттаоттаяра, дегӏайоалаяра балхаш дика кхоачашдаьд. Цунца цхьана республикан дарбанчешка керда лорий гӏирсаш оттадеш латт.
Керда шу хьатӏадалехьа Наьсарен, Шолжа, Жӏайрахьа кхалешка хьаелларгья кхоъ кагирхой центр. Иштта хьаелла лерхӏаш я технопарк, из хьалъяь яргья тӏадоагӏача шера.
Кхетаче чакхйоалаш, Гӏалгӏайчен кулгалхочо СКФО гӏолла волча викалга дийцар СВО бӏухошта, цар гаргарча наха новкъостал лоаттадарах, иштта ӏан туристически курорта зама хьаеллаш хиларах.
