Бус дӏаяйна хинна лампаш тоайир «Ингушэнергос»
«Къилбаседа Кавказа Россетий» - «Ингушэнерго» филиала болхлоша чакхбаьккхар Магас-Шахьаре дӀабахьа безаш хинна болх. 18:00 сахьат доалача хана ток йоацаш бисача наьха хьашт дизза кхоачашдаь даьлар.
Из нийсделар тушола бетта 8-ча денгара 9-ча денга кхоачача бус, 10 кВ йолча тока саьрг гоалбаларах. Энергокомпане ма аллара, из тока оагӀув шахьара администраце доал деш я. Из нийсдаларах, столицан цхьан даькъ тӏара нах цхьан юкъа ток йоацаш бисар.
Этта хьал тоадара, болхлой тоабаш сиха йолаелар гӏулакх меттадоаладе. Цига тӀахьожам беш вар «Ингушэнерго» филиала кулгалхо Котаганаькъан Кимран.
Энергетикаша болх сиха бир: 4:00 сахьат доаллаш дукхагӀа нах бахаш йолча оагӀон тӀа, хӀанзарчоа оалача кепара, ток хьаелар. Бӏарчча дийнахьа тоадара балхаш дӀадихьар цига, кхоачамбоацараш дерригаш а дӏадерзадеш, из хьал цар массаза санна болх беча боараме доаладир.
Компане хьалхадоаккх, ден-бус болх беш я мах боацаш йола «нахага ладувгӏа» «Россетий» тоабан телефон: 8-800-220-0-220.
