«Россе почте» аргӀанара Ӏомалу болх дӀахьош хилар Магасера цӀи йоаераш
07.11.2024 10:07
Магасерча федеральни бувзама почта доазон тӀа, аргӀанара болх дӀахьош хилар МЧС № 9 йолча оагӀон болхлой. Из хоам «Сердалога» бир цу моттигера.
Оттаяьча сценарех, «Россе почта» гӀишлон чу цӀи яьннаяр. Болхлоша хьабех цӀи яьлча оарцагӀъухараш, чура нах арабоах. Арабовла ца кхувш бисараш кӀалхарбоахаш, цӀи йоаеш къахьега болалу хьатӀакхаьча цӀерцарча кхерамзлен гӀулакх лорадеш бола болхлой.
«Оттаяьча хана чакхбаьккхар болх, боаггӀача боараме дӀадахар деррига. ЛаьрхӀар кхоачашде аьттув баьлар», - аьлар Россе ПСЧ МЧС 2-ча оагӀон кулгал деча ТӀонганаькъан Тимура.
