200 грамм совгӀа марихуана хьаяьккхар Ӏаьдала болхлоша Наьсаре
06.08.2025 10:30
Наркомани яхача доккхача зулама духьала болх дӀакхухьаш, вахар толхадеш дола хӀама доаржадеш лелараш гучабоахаш, къахьег мехкарча Ӏаьдала болхлоша. Наркотикаш мехка хьачукхухьараш, царца базар лелаеш бараш лувцаш я полици тахан. Из хоам «Сердалога» бир МВД.
«Наьсарерча Россе ОМВД оагӀон наькъашкара хьал лорадеш латтача полице болхлоша Лесная яхача ураме соцаваь, чухьежача сагагара 219 грамм марихуана яха наркотик яьккхар», - дийцар тха газетага.
ДегӀаца наркотик йоаллаш, Ӏаьдала болхлоша яхар де ца тугаш хинна зуламхо Ӏочувигав. Цун гӀулакх дӀахо тохкаргда Ӏаьдало.
Наркомани яхача доккхача зулама духьала къовсам лоаттабар тахан массанена хьалхашкара лоархӀаме декхар да.
