Доалахьара хӏама хьадераш тӀахьех, моттигашка доазол арахьара дешаш цаяздара
Магаса администраце, МВД даькъа болхлоша, ГӏалгӀай Республике гӀолла йолча Роспотребнадзора, къахьегама Госинспекце дӀабихьар шоай доалахьара хӀама леладерашцара хьехама болх, цига дийцар арарча улгаш тӀа, цӀерашца кхыча паччахьалкхен меттала йоазув цахилийтара, яхаш, дийцар «Сердало» газетага мэре.
«Тушола бетта 1-ча дийнахьа денз, чӀоагӀлуш да рекламаш тӀа кхыча мехкашкара дешаш хилара духьалара закон . Магасе рейдаш ю, боахамий болхлой хьожаш ба мах беча моттигашка, шоай доалахьара хӀама леладеча наха керда юкъедоаккхар довзийташ, уж лелац царна цох гӀод тоха арабаьнна», - аьлар хоамо.
Законо дӏадех бизнес наха бовзаш болча меттала хилийтар. Иштта хоам бу, цхьабола бизнесменаш кхераш ба шоай товара цӀи хувцаро кхыча мехкара хьаьший терко тӀа ца озаш йисар, бакъда дукхагӀбараша кердача хӏамах бола хоам теркаме ийцар.
