ГӀалгӀай къаман
юкъара газет

«ГIалаш тIара цIераш» яха акци дIайихьар, доазол арахьарча гIалгIаша

Инициатива проведения этой невероятно символичной акции принадлежит неутомимому энтузиасту нашей культуры и истории, патриоту в лучшем смысле этого слова, руководителю Франко-Ингушского исследовательского центра Исе Бокову. Первые акции «Костры на башнях» проходили в городах Европы, в чьих архитектурных ансамблях есть башенные сооружения. В последние годы её начали активно поддерживать и в Ингушетии. В этом году к ней присоединились 9 ингушских родов. О том, как прошла акция в этом году, «Сердало» рассказал сам автор мемориального проекта. Слово Исе Бокову.

«29-30-ча деношка, ардара бетта, дуккхача пхьешка, Франце регионашка, Бельги, Голланде, Англе, Казахстане, Туркий-мехка дIайихьар «ГIалаш тIара цIераш» яха 7-гIа къамашта юкъера акци. Акци хетаяь я 30-шу хьалха Пригородни районе, Буро тIа цхьаккха бехк боацаш Iазапе эттача вай къаман наха. Из гIулакх дIадахьа аьттув баьлар шоай къамах дог лазаш болча наха гIо а деш. Уж ба: Оздой, Коазой, Хамхой, Колой, Хамченаькъан, Кхоартой, Гаьгенаькъан, Боканаькъан тайпай нах.

Иштта цу гIулакха оарцагIбаьлар Франце, Бельге, Англе, Голланде, Казахстане (Алма-Ате) — баха гIалгIай къаман дезалаш.

Европерча пхьешка бахача дешархоша, студенташа, боккхийчара цIераш сегар из ди дагалаьца. Из гIулакх тхьовра денза хьадахьаш хиннад вай къамо. ГIалашта лакхе цIераш согаш хиннай вай даьша моастагIа, е цхьа бала тIабоагIаш хилча. 1992-ча шера эттача, гуйран деношка вай къаман тIабена бала бицлургбарех бац! ЦIераш сагара гIулакх йIаьхача тIIиргаца дIадодаш хиннад ерригача моттигашка хоам беш. Иштта вIашагIкхеташ хиннаб гIалгIай моастагIа юхатоха. Европерча вай кагирхошта бе йоахкача цIера факелаша хьахьокх ардара бетта 31-ча дийнахьа вай къаман тIадена доккха во. Цу гIулакхо хьагойт, моллагIча моттиге хьо вахаш мара ца хиларах, ший къаман истори цIаккха а дицъде йиш йоацилга. Кагирхой, дешархой юкъе чуозаш йола из акци хIанз 7-гIа дIахьош я. Вайна дагадоагIа 1992-ча шера гурахьа хиннар! Из къаьнара вай даьй Iадат тахан дийндаьд вай, деррига дунен ховргдолаш, гIалгIаша шоай истори дицдергдоацалга! Из вай декхар да, кхоачаш ца деш Iе вайх цхьанне бокъо йоацаш! Таханар тха къамаьл Антверпен яхача бельгийски пхьера да. Бельгена юхе ядача регионашкара, Голандера, Францера гIалгIай гулбеннаб цига. Гулбеннарашта вай кхалнаха кийчдаьдар къаман эзди даар, багIа хоза моттиг а яр. Кагирхоша боккхагIчарна гIулакх деш дIадахар вIашагIкхетар. Берригаш цхьана айтта ламаздаь, цу унзарча деношка вахар хаьдарашта, де доацаш байнарашта тIера дуIаш дир наха. Дала къахетам болба бейнарех! Ялсмален хьаьший болба царех Везача АллахIа! Ший къахетамца лорадолда Кхеллачо вай къам хоарцонах!»

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде