ГIалгIай мехка хьаьший кхаьчаб
Представители туриндустрии Москвы, Санкт-Петербурга, Самары, Екатеринбурга и Пензы приняли участие в круглом столе, который прошел в Правительстве региона.
Кхетачен кулгалдеш хилар вай мехка туризмах йолча комитета кулгалхо, Мизенаькъан Беслан. Дувца оттадаь керттера бахьан — туризма гIулакх доаржадар, дикагIча хьале оттадар.
Иштта хьоахайир керда проекташ, хьалхашка латта кхоачашде дезараш. Мизенаькъан Беслана белгалдир, таханарча дийнахьа, хьал тоаде дезарех
«Арамхи» курорт я аьнна.
Цига бе лерхI лыжашцара дикагIа бола никъ. ВIашагIкхетаре хьекхар «ГIалгIачун са» яха республика Iалам, хозал, бахархой оамалаш, Iадаташ дувцаш йола проект.
«ГIалгIайче — Кавказа жовхIар, керттера кхуврч ба. ХIаьта гIалгIай ший тайпара хоза, кIаьда оамалаш йолаш, хьаьший дукхабезаш къам да. Дуккха а дувца безам ба цох лаьца, тайп-тайпара кIоаргленаш йовзийта лов», — аьлар проекта кулгалхочо.
2022 шера де лаьрхIарех да — буа кхача кийчбара мастер-класс хьокхар, чкъаьран цIоках тайп-тайпара хIамаш хьаяра хетаяь лекцеш. Из деррига гойтаргда Свердловски областе, ГIалгIайчен культура денош дIахьоча хана.
ВIашагIкхетар хетадаь хургда республика 30 шу дизара. Иштта, цхьацца акцеш дIахьоргья Крыме, Севастополе.
Кхетаче хьоахадир Тхаба-Ерды яха моттиг тоаяра гIулакх. Хьаьшаша доккха баркал оалаш белгалдир, ГIалгIайче тамашийна беркатеи, ший тайпара хозеи мохк хилар.
