ГӀалгӀайчен кулгалхо харжа оттаваьв Путин Владимира таханара Мехкада а кхы ши депутат а
15.08.2024 00:53
ХьатӀабоагӀача бетта 8-ча дийнахьа дӀахьоргдолча республикан кулгалхочун хоржамашка, кхо саг хьалхатеттар Путин Владимира, царна юкъера цаӀ харжа мегаргва, аьнна. Из хоам «Сердалога» бир Мехкадаь зарбан болх лелабераша.
Харжа оттабаьрашта юкъе Келаматанаькъан Махьмуд-Ӏаьла санна, Къаман Гуллама ши депутат ва: Ӏарапханаькъан Ӏалихан («Бакъйола Росси - Даьхен гӀулакха латтараш - Бакъдолчунгахьа») яхача парте доакъашхо, Гаданаькъан Ислам( ЛДПР доакъашхо).
ГӀалгӀай республикан кулгал деш, царех мала хургва вайна ховргда Къаман Гулламо хоржамий болх дӀабихьачул тӀехьагӀа.
