ГӏалгӀайчен промышленность 2025 шера дегӀайоагӀаш я
Тӏеххьарча хоамаша яхачох, 2025 шера аьтинга бетта 1-ча денга кхоачаш, промышленоста арахецача хӏамай борам 109,6% ба, хӀаьта бийдалах хӏама хьаеча даькъ тӀа из я 100,1%. Уж хоамаш доаладу ГӏалгӀай Республикан Кулгалхочун, Паччахьалкхен зарбан болх лелабераша.
Дӏадахьийта товар юкъара дӀалаьрхӀача, иштта балхаш кхоачашдара боарамга диллача, из да 7,58 млрд сом, царех 3,57 млрд сом дӀадода бийдалах хӏама хьаеча даькъага. Дӏадахача 2004 шерга хьежача, промышленоста арахецача хӏамай боарам 111,6% ба. Юкъара дӀаяхьийта продукци я 18,2 млрд сома боараме.
Республикан кулгалхочо Келаматанаькъан Махьмуд-Ӏаьлас терко тӀаяхийтар, ГӏалгӀай Республикан промышленность дегӀаяра Ганзо керттера дакъа дӀалоацаш хилара, из хьакхеллай 2021 шера. Цо Ӏалашо ю таханарча заман технологеш юкъейоахача, ахчан кхоачам лоаттабара, иштта хӏамаш арахецачара балха хьал тоадара.
«Республикан хӏама арахецара таронаш чӀоагӀъю, Россе цаӀ мара йоацача кӀалах гӀирсаш деча даькъ тӀа беча балхо, из юкъейоалаяьй РФ Минпромторга кластера реестра оагӀой бетта 2022 шера»,-аьлар Макшарипа Махьмуд-ӏаьлас.
Цул совгӀа, карарча шера дӀайолаяьй республикан программа, из хетаяь я саг чу ца вагӀача авице даькъ тӀара болх дегӀабоалабара, иштта хьайийллай цу технологешца Ӏилман кӏийлен тӏа хӏама кхолла центр.
Ший бувзама оагӏонашка республикан кулгалхочо белгалдир: «Карарча шера даьхача толамаша хьагойт, мохк нийсача наькъ тӀа хилар. ЛоархӀаме да, из дар аьнна, вай юха ца совцаш, дӀаходолхаш хилар, дегӏаахара керда никъ лохаш. Цо таро лу вайна керда балха моттигаш хьакхолла, мехка яхьан оагӀув лакхбе, инвестицеш юкъеяха».
