ПСБ: Наха дукхагӏа къерда Кавказера хӏамаш, халкъий базарашка хила деза
Кавказе ший культуран белгало я, наха къердаш йола хӏамаш, чӏоагӏа кӏийле. Республике исторически лоархӏам болаш да начӏал дола говзанчаш хилар, укхаза хьакхолл технологеш, кхоллама керда кепаш. Цудухьа уж таронаш Россе юкъарча, халкъа юкъарча базарашка хилийта еза, из лоархӏаме да Кавказа санна Россена а.
Цу тайпара къамаьл дир «Банк ПСБ» ПАО йоккхагӏа йолча вице-президента, цун арахьарча бувзамий кулгалхочо Подгузова Верас, ше «Кавказа таханара экономика: дегӏаахара керда оагӏонаш» яхача Кавказа инвестицей кхетачен майдан тӏа йолаш.
Шин шера дика пайда баьлар 70% йолаш, Кавказе гӏолла таханарча экономике, из кхозза сихагӏа да Россе гӏолла хьаийцача. Бакъда уж таьрахьаш дӏадоладалар лохера лагӏа мара дац, цо таро лургья уж кхы а лакхде,яхаш, дийцар Подгузовас. Цо яхачох Кавказе хьакхеллад ший тайпара хьал, экономика йолаш я бӏаьш шерашка денз хьайоагӏаш; хьадеча хӏаманца, ӏадаташца, гастрономеца ювзаенна. Керттердар из лораяр да, цу юкъера таханарча технологей таронаш йоаергйоацаш, моттигашка уж пайда бахьаш хургйолаш.
«Вай заман экономика – из тахан эшаш я. Цул совгӏа, дӏахо дӏайодача хана а сага карагӏдоалар леладара йола кӏийле я. Цхьаькха лоархӏаме оагӏув я - дукхача къаьсттача оагӏонех цхьа дакъа хьакхолла дезар. Кавказ начӏалий доазув хинна а ца ӏеш, наха чӏоагӏа къердаш йола хӏамаш хьакхоллаш бола мохк хила беза», - аьлар Подгузова Верас.
Цу сессе иштта къамаьл дир Зӏамигача Бронни урам тӏа долча Московски драматически театра исбахьален кулгалхочо Богомолов Константина. Цига дакъа лоацаш хилар РФ паччахьалкхен кулгалхочун гӏонча Новак Александр, РФ экономически дегӏааахара министр Решетников Максим, Селий Республикан кулгалхо Меликов Сергей, Къарший-Черсий Республикан кулгалхо Темрезов Рашид, «Деловая Россия» яхача Юкъарлон кулгалхо Репик Алексей, режиссёр Герман Алексей, Кавказа чухьа кхоллача хӏамай, вай заман къахьегама викалаш.
