Аьлтий-Юртарча хий хьалуча моттигера балхаш йистедоалаш латт
03.10.2024 12:03
Наьсаренна, БурокӀалхенна, ГӀаьзе-Коана цӀена хий лоаттадергдолча моттига болх карарча хана 85% кхоачаш йистебаьннаб.
Из болх дӀахьош бола оагӀув - «КММ-МОТОРИС» яха ООО. Проект дӀахьоча 2022-ча шера денз, итташ керда гӀувнаш яьхай, блок-модульни оала подстанци оттаяьй, 3,5 км кхоачаш хий чудиллад, иштта кхыдола балхаш а чакхдаьхад.
КПП йола корпус хьалъяьй укх шера, иштта хий чӀоагӀагӀча боарамагӀа хьадайташ йола насосни станци оттаяьй, 6 км хий дӀаухаргдола моттигаш яьй.
Массехк бутт балалехь, чакхбаккха лерхӀ ши станци тоаеш , цӀенъеш бола болх. Белгалде деза, из гӀулакх шахьара куц тоадарах йолча къаман проекта «ЦӀена хий» яхача федеральни проектага гӀолла дӀахьош болга.
