«ЛоархӀаме къамаьлаш» хетадаь дар Россе промышленноста
«ГӏалгӀайчен ишколашка хинна лоархӀаме къамаьлаш хетадаь дар Россе промышленни таронна. Дешархошта дайзар, Росси хьалхарча каьхаташцарча балхагара дӀайолаенна, таханарча заман лакхача технологешка мишта кхаьчар.
«Къамаьлаш дӀахьош, ишкола дешархошта хайра российски промышленноста карарча ханара хьал миштад, цун экономика ше къаьстта хулийтар фуд, иштта паччахьалкхен технологически оагӏув кхыча паччахьалкхенах тийша цахилар. Къаьстта терко тӀаяхийтар, экономика дегӏакхувлача ларда санна промышленни предприятешта, дунен рынке Россе лерхӏам а моттиг а дегӏакхувлара. Лаьрххӏа дийца дош дар моттигашкара заводаш дегӀайоалаяр. Дешархошта дайзар промышленноста керда балха моттигаш хьакхоллар, шахьара хьал тоадар, иштта массайолча оагӀорахьа вахара-экономически доазош дегӀадар», - аьлар «Сердало» газетага ГӏалгӀайчен дешара, Ӏилман Министерстве.
Промышленни оагӀув цхьа гаьнара хӀама долаш санна, хетанзар хӏанз берашта, царна дайзар боккхача мехка доалахьардар. Хьехархоша иштта дийцар дешархошта йоккхийча таронех, шоашта хьалхашка хьаеллаш йолча, инженерни, къахьегама говзалех. Цу даькъ тӀара болх - из хургдар хьакхоллара, йоккхий проекташ кхоачашъяра таро я.
