ГӀалгӀай университета ректорах, моттигерча РГО даькъа кулгалхо хилар
ГӀалгӀай паччахьалкхен университета ректор Ӏалбаканаькъан Фатима кулгал деш я Эрсий географически хӀарман моттигерча отделенена. Из иштта хилар дувзаденна да; республикера географически, экологически дешара болх кулгалхочо дика дӀахьош хиларца.
Ӏаьдала викалаша, дешара хӀармо лаьрхӀар; юкъарлон проекташ кхоачашъяра хьал тешмеча бе доалларгда, аьнна.
«ГӀалгӀай моттигера Эрсий географически хӀарман даькъа заседани дӀахьош белгалдир; кердадараш юкъедахарца, экологически хьал тоадарца ИнгГУс дика дакъа лаьца хилар. Мохк дика дегӀабоалабара цу тайпара болх дӀахо а дӀахьош хилар лоархӀаме да, аьнна, хийтар кхетачен доакъашхошта», - аьлар «Сердало» газетага паччахьалкхен университете.
Вуза кулгалхочун балха лакха мах оттабир паччахьалкхен гӀулакхаш леладеча моттигаша. ИнгГУ болх географически а экологически а оагӀорахьа дика баь хилар тӀаэцар кӀийле йолаш да, цо кхоачашду мехка лоархӀаме декхараш.
Кхетаче йистейоалаш, ИнгГУ профессора Коазой Уматгире Зейнапа сийна улг хьадийллар, «Географи. Вахара кхерамзле» яха кафедра университете хьаяьча цунна хетадаь.
Ректора Ӏалбаканаькъан Фатимас ший аргӀагӀа из, дика хеташ, хьаллаьцар.
«Эрсий географически хӀарман гӀалгӀай оагӀув хьайийллар 2013 шера лайчилла бетта. РГО балха йоккха терко ю Къилбаседа Кавказе туристий гӀулакх дегӀадоаладара, мехкашта юкъе бувзам лелабара», - аьлар ГӀалгӀай паччахьалкхен университете.
