Россеташа Гӏалгӏайчен подстанци тоаяра дӏахьожадергда 16,2 млн сом совгӏа ахча
«Къилбаседа-Кавказа Россеташа»-«Ингушэнергос» цӏенхаштта тоаеш я подстанци 35/6 кВ «Илдарха-Гӏала». Цига технически балхаш дӏадахьа хьожадаьд 16,2 млн сом.
Ток лоаттаю центр «Карабулак» ӏалашо еш я токаца Илдарха-Гӏалан, Яндарен, Эбарга-Юрта. Цун болх дика хиларах тийша да 19 эзар цӏа, иштта 24 вахара лоархӏаме моттиг. Цу юкъейоагӏаш я Магасера «Къулбехьен аэролелам» яхача филиала болх ӏалашбу центр, ишкола, берий беш, насосий станци, унахцӏенон моттигаш.
Энергетикаша подстанце хувцаргья йиъ выключатель 35 кВ: къаьнара, шоай ха яьккха яьннараш дӏа а яьха, кердаяраш дӏаоттаергья.
Уж лаьрхӏа я хьалсагара, дӏайоаяра тока хьал леладе, нагахьа санна тока саьргаш вӏашагӏкхийтта моттиг нийслой - ше-ше ток дӏайоаяра.
Цул совгӏа, говзанчаша хувцаргба энергомоттигера кхоъ гӏирс, тока низ айлургбоацаш а догӏаш делхаш ди къувкъача хана боарамал дукхагӏа низ тӏагӏоргбоацаш а 35 кВ йолча. Балхаш дӏахьош да «Ингушэнерго» филиала 2025 шера технически гӏулакх дара, энергомоттиг тоаяра йола программа кхоачашъеш. Цигара балхаш йистедаха лаьрхӏад энергетикаша карарча шера тов бетта.
