Россеташа чӏоагӏбир Аьлтий-Юртарча хий хьалацара моттига тока низ
«Къилбаседа Кавказа Россеташа-«Ингушэнергос» тӀехьара тӀа тока Ӏалашо йир Аьлтий-Юртарча хий хьалацара йолча мотге 1,1 мегаватт. Цу тайпара, вахара лоархӀамеча моттига юкъара низ 1,8 мегаватт ба.
«Цун низ совбаккхар дувзаденна да «Цӏена хиш» яхача федеральни проекта чудоагӀаш, иштта «Фусамаш, шахьара хьалаш» яха къаман проект кхоачашъеш, хица Ӏалашо еш бола гӀирс кердабоаккхаш хиларца. Оаха дика кхоачашъяьй из лоархӀаме хьал кхоачашдара беррига болх вӏашагӏболлаш йола моттигаш», - аьлар «Ингушэнерго» филиала кулгалхочун декхараш кхоачашдеш волча Котаганаькъан Кимрана.
Проекта чудоагӀаш, цу даькъ тӀа бурув техад тӀехьара тӀа 10 моттига, цар кӀоаргал 160 метр я, цар 24 эзар кубометр молаш дола хий лоаттадергда ден-бус. Цун дикал тоаеш да цига оттадаь ультрафиолетови хий цӀендеш дола гӀирсаш, цар кхераме йола бактереш, грибок дӀадоаккхаргда.
Цул совгӀа укхаза хьалъяьй кулгалхой-болхлой къахьегаш хургбола гӏишло, чубоагӏа нах зувш йола моттиг, вӀашагӀъеллай бӀеха хиш дӏаухаргдола станци, вахаре эшаш дола хий дӏалу станци, иштта оттаяьй модульни насосаш, 9,7 км хий чудиллад.
Альтий-Юртара хий чулоацаш йола моттиг тоаяро таро лургья Буро кӏалхарча, ГӀаьзе-Коарча, иштта Наьсарен-Шахьара бахархошта хий лоаттаде.
Белгалду, «Россетий» тоаба чудоагӀаш да дехар хьачулучар аьттонна лаьрхӀа хьалаш. Цу юкъе я ший доалахьара кабинет, сайта тӀа Портал-ТП.РФ, цига гӀолла хӀаравар таро йолаш ва энергокомпане дехар дӀахьийта цу бувзамах шоаш дӀахоттар дехаш, шоашта эшаш бола низ цо лоаттабергболаш.
