«Гӏалгӏайчен курорт йолча кхаленна электричество лоаттаяр тешаме хилийта гӏерт Россеташ
«Къилбаседа Кавказа Россеташ»-«Ингушэнерго» кийчлуш я хьатӏадоагӏача ӏанга, республикан Жӏайрахьа кхален курортно-туристически даькъ тӏа токацара болх тоабара ӏалашо е.
Технически болх дӏабахьара энергокомпане дӏахьожадергда 3,2 млн сом.
Энергетикаша из болх дӏабахьарах, балха дикал лакхъярах; 3,3 эзар совгӏа саг, лоаман юрташка вахаш вола, иштта 33 вахара лоархӏаме моттигаш тешшаме токацара хьал тоаденна хургья.
Жӏайрахьа кхален даькъ тӏа нийслуш да ханаш хувцалуш хиларца дувзаденна токацара кхоачамбоацараш: чӏоагӏа мух хьекхача, лоа диллача, йӏовхал эттача. Цу юкъе сиха этта хьал юстардаккха а массаза таро хилац, уж юрташ лакхача моттигашка ядаш хиларах. Цудухьа энергетикаша кӏезиг-кӏезига тоадеш латт цу моттигашкара токацара гӏулакх. Цунна чудоагӏаш да - тока саьргаш хувцар (ЛЭП), цӏеначунца тишбеннар хувцаш болх бар, СИП оалача саьргаца, цун бӏоахал 5,2 км. СИП белгалбоалаш ба шелала, климатически хьалашта духьалъотталуш хиларах, иштта цо болх бу цахаддаш ЛЭП ӏалашъеш, цунна гаьний ткъовронаш тӏалийгаяле а. Цул совгӏа, цох цаховш кулг кхете, из кхераме бац.
Говзанчаша энергогӏишлошка ворхӏ тишбенна бӏоагӏа дӏахийцаб, бӏоагӏий цӏендир тӏаяьннача йоархӏех, иштта шиъ трансформаторни подстанци тоайир.
