Мехкара тока хьал лакхдеш я Россеташ
Наьсарен кхалера 6 Кв йола тока моттиг тоаеш болх дӏаболабаьб «Къилбаседа Кавказа Россеташ» - «Ингушэнерго» яхача филиала болхлоша. 775 эзар совгӏа ахча да цу гӏулакха хьакъоастадаьр.
Дошлакъий-Юртарча, Брокӏалхарча эзар совгӏа болча бахархошта ток лоаттаеш йола оагӏув я из. Тишденнараш дӏадоахаш, керда 5 тока бӏоагӏа богӏаргба цу моттигашка, къаьнара 15 пела хувцаш болх дӏахьоргба. Цул совгӏа, 4,2 км долча тока саьргашта меттел, моллагӏча хаоттамца дикагӏа дола керда саьргаш дохийтаргда (СИП). СИП цаталхара дуккха дикагӏа лоархӏаш ба, цул совгӏа моллагӏа хатар хинна болх хуле а иштта кхераме бац из.
«Къилбаседа Кавказа Россеташ» яхача оагӏон болхлоша мехкарча юрташка, шахьарашка дӏахьош латтар боккха, чоалхане болх ба. Керда тока саьргаш лоа тӏа ца летара, ша тӏабижа чӏоагӏцадалара дикагӏа лоархӏаш да», - белгалдир «Ингушэнерго» филиала кулгалдеча Котаганаькъан Кимрана. – Тока оагӏонцара болх чакхбаьккхача моттигашкара бахархой тахан чӏоагӏа баркал оалаш ба. Тока оагӏонцара хьал ма хулла тоадеш дӏахохьоргба из болх».
Укх шера токаца дӏабахьа безача балха къоастам баьб хьалххе а.
